ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Մալայզիայի տարբեր մասերում ավելի քան 1,4 հազար դպրոց Է փակվել շարունակվող հրդեհներից ծխոտման հետեւանքով: Այդ մասին, ինչպես տեղեկացնում Է «Արմենպրես»-ը, հայտնել Է New Straits Times թերթը:

Հրատարակության տվյալներով՝ ընդամենը տեղական ժամանակով 13:00-ի (Երեւանի ժամանակով 9:00) դրությամբ փակվել Է 1484 դպրոց: Նաեւ կրթության նախարարությունը հայտնել Է, որ դպրոցների փակվելը վերաբերել Է յոթ նահանգների մեկ միլիոնից ավելի սովորողների: Ինդոնեզացի ֆերմերները հաճախ են կրակն օգտագործում պլանտացիաների հողը մաքրելու համար:

Հրդեհները կարող են շաբաթներով մարմրել, հատկապես չոր եղանակի պայմաններում, ստեղծելով հեղձուցիչ ծուխ, որը տարածվում Է հարեւան երկրների՝ Սինգապուրի եւ Մալայզիայի տարածքում: Վերջին շաբաթների ընթացքում Ինդոնեզիան հրդեհները մարելու համար հազարավոր մասնագետների Է ուղարկել այն բանից հետո, երբ Սումատրա եւ Բոռնեո կղզիների վեց նահանգում արտակարգ դրություն հայտարարվեց, հաղորդել Է ՌԻԱ Նովոստին: