Կնոջ մոռացկոտությունը 1 միլիոն դոլար Է բերել ամուսիններին
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Միացյալ Նահանգների Հարավային Կարոլինայի նահանգում բնակվող ամուսնական զույգը վիճակախաղի տոմսով ջեքփոթ Է շահել կնոջ մոռացկոտության շնորհիվ: Այդ մասին, ինչպես տեղեկացնում Է «Արմենպրես»-ը, հայտնել Է UPI պորտալը:
Տղամարդը Գրիր քաղաք Էր ուղեւորվել ընտանեկան ավտոմեքենայով եւ նկատում Է, որ բռնկվել Է վառելանյութի ցածր մակարդակի տվիչը: Նրա խոսքով, վերջին անգամ ավտոմեքենան օգտագործել Էր կինը, որը մոռացել Էր լցնել բաքը: Ամերիկացին գնում Է լցավորելու եւ ձեռքի հետ մոռացկոտ կնոջ համար վիճակախաղի տոմս Է գնում տասը դոլարով: Երջանիկ տոմսը 1 միլիոն դոլար Է բերում ընտանիքին:
«Այլեւս երբեք չեմ լցավորելու ավտոմեքենան»,-կատակում Է կինը, երբ իմանում Է խոշոր շահումի մասին: «Կյանքում մտքովս իսկ չի անցել, թե մենք վիճակախաղով մեծ խաղագումար կշահենք»,-խոստովանել Է հաղթողը:
Զույգը որոշել Է դրամական մրցանակը ծախսել ԱՄՆ-ի «Ուոլթ Դիսնեյի հանգստի համաշխարհային կենտրոն» ճանապարհորդության վրա: