ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Դարիգա Նազարբաեւան ընտրվել Է Ղազախստանի Սենատի նախագահ: Ավելի վաղ երկրի նախագահ Քասըմ-Ժոմարտ Տոկաեւը նրա թեկնածությունն առաջադրել Էր այդ պաշտոնի համար, տեղեկացնում Է «Արմենպրես»-ը:

«Խնդրում եմ Դարիգա Նուրսուլթանի Նազարբաեւային ընտրել Ղազախստանի Հանրապետության խորհրդարանի Սենատի նախագահ»,-Տոկաեւի դիմումը հրապարակել Է Ղազախստանի նախագահի վարչակազմի ղեկավար Ղրիմբեկ Կուշերբաեւը: Օգոստոսի 12-ին Տոկաեւը Դարիգա Նազարբաեւայի պատգամավորական լիազորությունները երկարացրել Էր դրանց ժամկետի լրանալու կապակցությամբ:

56-ամյա Նազարբաեւան մարտի 20-ին միաձայն Սենատի նախագահ Էր ընտրվել պալատի պատգամավորների գաղտնի քվեարկության արդյունքում: Ավելի վաղ նա Սենատում զբաղեցնում Էր միջազգային գործերի, պաշտպանության եւ անվտանգության կոմիտեի նախագահի պաշտոնը: Նազարբաեւան Սենատի պատգամավոր Էր նշանակվել 2016 թվականի սեպտեմբերի 13-ին: Նա Ղազախստանի առաջին նախագահի՝ ազգի առաջնորդ Նուրսուլթան Նազարբաեւի ավագ դուստրն Է, հաղորդել Է ՏԱՍՍ-ը: