ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Իրանի եւ Վենեսուելայի դեմ ԱՄՆ-ի սահմանած պատժամիջոցները հանգեցրել են ռուսական անմշակ նավթի մակնիշի պահանջարկի մեծացման՝ ավելացնելով ՌԴ-ի նավթ արտահանողների եկամուտները: Այդ մասին, ինչպես տեղեկացնում Է «Արմենպրես»-ը, գրել Է Bloomberg-ը: Գործակալության տվյալներով՝ Ռուսաստանի նավթընկերություններն առնվազն 905 միլիոն դոլարի չափով լրացուցիչ եկամուտ են ստացել 2018 թվականի նոյեմբերից մինչեւ 2019 թվականի հուլիսն ընկած ժամանակամիջոցում:

«Հաշվարկը հիմնված Է Brent-ի նկատմամբ Urals մակնիշի սպրեդի տարբերության վրա՝ հնգամյա ժամանակաշրջանի միջին ցուցանիշի համեմատությամբ»,- պարզաբանում Է գործակալությունը: Ինչպես նշված Է հաղորդագրության մեջ, ամերիկյան պատժամիջոցները մեծացրել են ռուսական նավթի պահանջակը ՕՊԷՔ-ի երկրների եւ նրանց գործընկերների հանույթի կրճատման ֆոնին, հաղորդել Է ՌԻԱ Նովոստին: