Բագրավան գյուղում այրվել է մոտ 900 հակ անասնակեր
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: «911» ծառայությանն օգոստոսի 15-ին, ժամը 13:40-ին ահազանգ է ստացվել, որ Շիրակի մարզի Բագրավան գյուղի 1-ին փողոցի տներից մեկի բակում այրվում է խոտի դեզ:
Ինչպես «Արմենպրես»-ին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 15:10-ին, մարվել՝ 18:00-ին: Այրվել են անասնակեր (մոտ 900 հակ) և ծղոտ (մոտ 400 հակ):
Կարծիքներ
Հարցազրույցներ
Փաստ մեկնաբանությամբ