Նատալյա Օրեյրոն եւ Ռիտա Օրան Սոչիում ելույթ կունենան «Նոր ալիքում»

Armenpress 12:56, 14 Օգոստոս, 2019

ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Երգչուհիներ Նատալյա Օրեյրոն եւ Ռիտա Օրան Սոչիում ելույթ կունենան «Նոր ալիքում»: Այդ մասին, ինչպես տեղեկացնում Է «Արմենպրես»-ը, հայտնել Է sochi.com. պորտալը: Աստղերը կդառնան երիտասարդ կատարողների երաժշտական մրցույթի հատուկ հյուրերը:

Օրեյրոն կերգի օգոստոսի 25-ին՝ Իգոր Կրուտոյի ստեղծագործական երեկոյի ժամանակ: Օրան իր հիթերը կկատարի օգոստոսի 29-ին՝ ստուգատեսի փակմանը: Ծրագրում նաեւ հայտարարված են ռուսաստանցի հայտնիները՝ Ֆիլիպ Կիրկորովը, Անի Լորակը, Լեոնիդ Ագուտինը, Սվետլանա Լոբոդան եւ ուրիշներ: Առաջին մրցութային օրը՝ օգոստոսի 26-ին, մասնակիցները կկատարեն Ալլա Պուգաչովայի երգերը, որի 70 տարին լրացել Է այս տարի: Միջոցառումն անցկացվելու Է օգոստոսի 24-ից մինչեւ 29-ը՝ Օլիմպիական ավանի New Wave Hall դահլիճում, հաղորդել Է ՌԻԱ Նովոստին:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am