Թրամփը կոչ Է արել օրենսդիրներին եւ հասարակությանը՝ համատեղ աշխատել զենքի շրջանառությունը հսկելու համ
ԵՐԵՎԱՆ, 9 ՕԳՈՍՏՈՍԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը կոչ Է արել Կոնգրեսի Սենատին, Ներկայացուցիչների պալատին եւ հասարակայնությանը՝ համատեղ աշխատել զենքի շրջանառության նկատմամբ հսկողության հարցում: Համապատասխան գրառումը Սպիտակ տան ղեկավարն օգոստոսի 9-ին զետեղել Է Twitter-ում: «Ներկայացուցիչների պալատի եւ Սենատի ղեկավարությունում լուրջ քննարկումներ են տեղի ունենում քաղաքացիներին զենքի վաճառքի ստուգումների թեմայի շուրջ: Ես խոսել եմ Ազգային հրաձգային ասոցիացիայի եւ ուրիշների հետ,-նշել Է Թրամփը:-Բոլոր դիրքորոշումները պետք Է լայնորեն ներկայացված լինեն ու հարգվեն»: Նախագահը վերստին ընդգծել Է հոգեպես անառողջ մարդկանց դեպքում զենքի հայտնվելու անթույլատրելիությունը: «Ես Սահմանադրության երկրորդ ուղղման (հրազեն ձեռք բերելու եւ կրելու իրավունքի) համոզված կողմնակիցն եմ,-ընդգծել Է նա:-Բայց մենք պետք Է միասին աշխատենք ի շահ երկրի անվտանգության: Համատեղ որոշումներն օգտակար կլինեն բոլորի համար», հաղորդել Է ՏԱՍՍ-ը:
Կարծիքներ
Հարցազրույցներ
Փաստ մեկնաբանությամբ