Զոհրաբ Մնացականյանն անդրադարձել է ՀՀ-ԵՄ հարաբերություններին
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Թավշյա հեղափոխությունից սկսած Հայաստանը շատ ինտենսիվ քաղաքական և տնտեսական ներգրավվածության մեջ է Եվրոպական միության հետ: «Արմենպրես»-ի փոխանցմամբ՝ այս մասին Մարշալի հիմնադրամի ավագ հետազոտող Ջոնաթան Կացին տված հարցազրույցում նշել է ՀՀ արտաքին գործերի նախարար Զոհրաբ Մնացականյանը:
«Եվրոպան հետևողական, շարունակական մասնակիցն է եղել Հայաստանի ինստիտուտների, պետական կառույցների զարգացմանը, տնտեսության զարգացմանը: 2018թ. տեղի ունեցած Թավշյա հեղափոխությունից ի վեր, մենք ԵՄ հետ շատ ինտենսիվ, ծավալուն քաղաքական և տնտեսական ներգրավվածության մեջ ենք»,- նշել է Մնացականյանը:
ԱԳ նախարարը հավելել է, որ որպես այդ գործընթացի մի մաս՝ ցանկանում են ներգրավվել ԵՄ հետ վիզայի ազատականացման երկխոսության մեջ, որի վերջնական արդյունքը կլինի համապատասխան համաձայնագրի կնքումը: