«Հայաստանի Հանրապետություն». Ամարասի վանքում մարդու եւ կենդանիների ոսկորներ են գտել
«Հայաստանի Հանրապետություն» օրաթերթը գրում է. «Ամարասի վանական համալիրի բակում երկու տարի առաջ ջրատար խողովակ անցկացնելիս մարդու եւ կենդանիների ոսկորներ են գտել: Գտածոները մինչեւ այս պահը հնագիտական որեւէ ուսումնասիրության չեն ենթարկվել: Այդուհանդերձ, ոսկորները հատնաբերելուց հետո շինարարական աշխատանքները դադարեցվել են: «Այս պահին եկեղեցու պարիսպների եւ տարածքի բարեկարգման համատեղ ծրագիր ունենք Արցախի Հանրապետության մշակույթի նախարարության հետ, սակայն շինարարական աշխատանքները չենք կարողանում սկսել, քանի որ տարածքում ամբողջական պեղումներ չեն եղել: Երբ մշակույթի նախարարություն հարցում ենք անում, մեզ ասում են` ձեր դիմումը ընթացքի մեջ է»,- ասել է Ամարասի վանահայր տեր Գեղարդ աբեղա Հովհաննիսյանը: Վանահայրը նաեւ նշել է, որ եկեղեցու ամբողջական վերանորոգման նախագիծ կա, իսկ թե երբ կմեկնարկի` պարզ չէ:
Նյութն ամբողջությամբ կարդացեք թերթի այսօրվա համարում։