Խոսք անգամ չկա մրցակցին թերագնահատելու մասին. Վարդան Մինասյան
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Երևանի «Արարատ-Արմենիա»-ի ֆուտբոլային ակումբի գլխավոր մարզիչ Վարդան Մինասյանը չի պատրաստվում թերագնահատել Եվրոպայի լիգայի որակավորման փուլում իր թիմի հակառակորդ «Լինկոլն Ռեդ Իմպս»-ին:
««Արարատ-Արմենիա»-ն վերականգնվել է ԱԻԿ-ի դեմ խաղից հետո: Թեպետ մի քիչ ափսոսանքի զգացում ունեինք: Իսկ ինչ կապված է հաջորդ մրցակցին՝ ապա մենք ուսումնասիրել ենք նրանց և յուրաքանչյուր մրցակից ունի թույլ և ուժեղ կողմեր՝ նրանք ևս: Շատ աշխատասեր են և անմնացորդ նվիրում են խաղում: Խոսք անգամ չի գնում մրցակցին թերագնահատելու մրցակցին»,- «Արմենպրես»-ի հաղորդմամբ՝ լրագրողների հետ հանդիպման ժամանակ ասաց Մինասյանը:
Մինասյանի կարծիքով, բնական է՝ այս թիմի և ԱԻԿ-ի միջև մակարդակների տարբերություն կա և թղթի վրա կա ֆավորիտ:
Ֆուտբոլի Եվրոպայի լիգայի որակավորման երկրորդ փուլում Հայաստանի չեմպիոն «Արարատ-Արմենիա»-ն կմրցի Ջիբրալթարը ներկայացնող «Լինկոլն Ռեդ Իմպս»-ի հետ: Հանդիպումը կկայանան հուլիսի 23-ին ֆուտբոլի ակադեմիայի մարզադաշտում: