Հայաստանում ցանկանում են նախագծել տեսարժան վայրերի հարակից տարածքների բարեկարգման տիպային մոդել
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: Կառավարությունը Էկոնոմիկայի նախարարության Զբոսաշրջության կոմիտեին հատկացրեց 105 մլն դրամ` զբոսաշրջային ոլորտի առաջնային երկու հիմնախնդրի լուծման համար, որը նախատեսում է ենթակառուցվածքների զարգացում և ոլորտի մարքեթինգային քաղաքականության իրականացում: Ինչպես փոխանցում է «Արմենպրես»-ը, Էկոնոմիկայի նախարար Տիգրան Խաչատրյանը նշեց, որ նախատեսվում է նախագծել տեսարժան վայրերի հարակից տարածքների բարեկարգման տիպային մոդել:
«Դրա համաձայն՝ կառանձնացվեն համայնքային առևտրի գոտիները, կկառուցվեն միանման տաղավարներ համայնքի` վաճառք իրականացնող բնակիչների համար, կբարեկարգվի և կգծանշվի ավտոկայանատեղին, ինչպես նաև կսահմանվի մեքենաների մուտք ու ելքի կայանման ձևաչափ»,- ասաց նախարարը:
Հատկացումն իրականացվել է Էկոնոմիկայի նախարարության խնայողությունների միջոցով:
- Երևանի ավագանու ընտրություններ․ ժամը 17։00-ի դրությամբ քվեարկությանը
մասնակցել է ընտրելու իրավունք ունեցողների 21,36 տոկոսը
- ԱՊՀ բոլոր երկրներից մասնագետներ են մասնակցում Դիլիջանում մեկնարկած
միջազգային Մեդիա դպրոցին
- Կիևյան կամրջով երթևեկությունը հունվարի 20-ի ժամը 22:00-ից մինչև հունվարի
21-ի ժամը 07:00-ը փակ կլինի
- Հայաստանը չեխ գործարարներին և ներդրողներին կապահովի բոլոր պայմաններով.
տեղի ունեցավ Հայ-չեխական բիզնես ֆորումը
- Տուրիզմի մասնագետն 8 ամսում Հայաստանում հաշվարկել է շուրջ 700 մլն դոլարի
կորուստ