Ճապոնիայում հատուկ իրավունքներ կհայտնվեն տարեց վարորդների համար. Nikkei
ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Ճապոնիայի կառավարությունը պլանավորում Է 75-ից բարձր տարիքի վարորդներին տալ հատուկ իրավունքներ, որոնք կտարածվեն միայն տարբեր Էլեկտրոնային «օգնականներով», մասնավորապես, ավտոմատ արգելակման համակարգով հանդերձված ավտոմոբիլներ վարելու վրա: Այդ մասին, ինչպես տեղեկացնում Է «Արմենպրես»-ը, հայտնել Է Nikkei թերթը:
Այդ միջոցներն իշխանություններն անհրաժեշտ են համարում տարեց մարդկանց մասնակցությամբ ճանապարհատրանսպորտային պատահարների աճած թվի պատճառով: Նրանցից շատերը շփոթում են ոտնակները կամ ուշ են արձագանքում իրենց շուրջը ճանապարհային իրադրության փոփոխությանը: Սկզբնապես նման թույլատրագրերը պլանավորվում Է տալ կամավոր կարգով՝ սովորական իրավունքների փոխարեն: Այդ փաստաթղթերի պարտադիր կիրառումն, ամենայն հավանականությամբ, հնարավոր կդառնա սոսկ ավտոմոբիլային արդյունաբերության մեջ ավտոմատ արգելաման տեխնոլոգիաների ավելի լայն տարածումից եւ դրանց Էժանացումից հետո: Անցյալ տարի վարորդական իրավունքներից կամավոր հրաժարվել Է 65-ից բարձր տարիքի շուրջ 400 հազար ճապոնացի, հաղորդել Է ՏԱՍՍ-ը: