Հրշեջները մարել են Լուսառատի սառնարանային պահեստում բռնկված հրդհը
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը մայիսի 26-ին, ժամը 11:30-ին ահազանգ է ստացել, որ Արարատի մարզի Լուսառատ գյուղի Մաշտոցի փողոցի թիվ 30 շենքի մոտակայքում սառնարանային պահեստի տանիքում հրդեհ է բռնկվել:
Դեպքի վայր է մեկնել ԱԻՆ փրկարար ծառայության հրշեջ-փրկարարական ջոկատի մեկ մարտական հաշվարկ:
Հրդեհը մեկուսացվել է ժամը 11:59-ին, մարվել` 12:10-ին:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, այրվել են պահեստի տանիքի փայտյա կառուցատարրերը՝ մասնակի (մոտ 10 գմ), պահեստավորած անասնակեր (մոտ 170 հակ) և վառելափայտ: Տուժածներ չկան:
Կարծիքներ
Հարցազրույցներ
Փաստ մեկնաբանությամբ