ԼՀԿ-ն ԱԺ-ում հյուրընկալել է Նիդերլանդների «Ազատության և Ժողովրդավարության» կուսակցության ներկայացուցիչներին
ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: «Լուսավոր Հայաստան» Կուսակցությունը Ազգային ժողովում հյուրընկալել է Նիդերլանդների Թագավորության խորհրդարանում մեծամասնություն կազմող «Ազատության և Ժողովրդավարության» կուսակցության (VVD) ներկայացուցիչներին:
Ինչպես «Արմենպրես»-ին հայտնեցին «Լուսավոր Հայաստան» կուսակցության մամուլի ծառայությունից, հանդիպման ընթացքում քննարկվել են Հայաստանում թավշյա հեղափոխությունից հետո ձևավորված քաղաքական դաշտի, օրակարգի և Լուսավոր Հայաստանի անելիքների վերաբերյալ հարցերը:
Այցի նպատակն է նաև կազմակերպել եռօրյա հատուկ թրեյնինգներ «Լուսավոր Հայաստան» կուսակցության առաջխաղացման, ռազմավարության մշակման և պատգամավորների արդյունավետության բարձրացման նպատակով: «Ազատության և Ժողովրդավարության» կուսակցությունը (VVD) Եվրոպական խորհրդարանի ALDE խմբի անդամ է: