Ռուսաստանի հետ համաձայնությունների շուրջ հանրաքվեի արդյունքները պարտադիր բնույթ չեն կրելու. Զելենսկի
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Ուկրաինայի նախագահ Վլադիմիր Զելենսկին հայտարարել Է, որ Ռուսաստանի հետ խաղաղ համաձայնությունների կնքման հարցի շուրջ իր կողմից առաջարկված հանրաքվեն օրենսդրական նախաձեռնություն չԷ, այսինքն՝ դրա արդյունքները պարտադիր բնույթ չեն կրելու, տեղեկացնում Է «Արմենպրես»-ը:
«Մենք պետք Է լսենք յուրաքանչյուր մարդու: Դա օրենսդրական հանրաքվե չԷ, այլ տեղեկատվական. քաղաքացինե՛ր, ինչ եք դուք մտածում: Սա նորմալ խոսակցություն Է մարդկանց հետ»,-նախագահի խոսքը մեջբերել Է նրա վարչակազմի մամուլի ծառայությունը:
Զելենսկին պարզաբանել Է, որ հանդես Է եկել նման հանրաքվեի անցկացման գաղափարով, որովհետեւ «բացահայտության Է ձգտում երկրի համար կարեւոր հարցերը քննարկելիս եւ չի ցանկանում որոշումներ ընդունել փակ դռների հետեւում, ինչպես արվում Էր նախկինում», հաղորդել Է ՏԱՍՍ-ը: