Փաստաբանը հայտնում է Քոչարյանի և մյուսների գործով վարույթի կասեցման ու ՍԴ ուղարկվելու մասին
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: ՀՀ երկրորդ նախագահ Ռոբերտ Քոչարյանի, ՀՀ նախկին փոխվարչապետ Արմեն Գեւորգյանի, ՀՀ պաշտպանության նախկին նախարար Սեյրան Օհանյանի եւ ՀԱՊԿ նախկին գլխավոր քարտուղար Յուրի Խաչատուրովի վերաբերյալ գործի վարույթը դատարանի որոշմամբ կասեցվել և ուղարկվել է Սահմանադրական դատարան: Այս մասին «Արմենպրես»-ի հետ զրույցում նշեց Սեյրան Օհանյանի պաշտպան Ինեսա Պետրոսյանը:
«Ինձ դատարանից տեղեկացրել են, որ գործը կասեցվել է Սահմանադրական դատարան ուղարկելու հիմքով»,-ասաց նա:
Գլխավոր դատախազությունից նշեցին, որ այդ մասին դեռ տեղեկություն չունեն։
2008 թվականի մարտի 1-2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ քրեական գործով ՀՀ երկրորդ նախագահ Ռոբերտ Քոչարյանին, ՀՀ պաշտպանության նախկին նախարար Միքայել Հարությունյանին և ՀԱՊԿ գլխավոր քարտուղար Յուրի Խաչատուրովին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նրանք այլ անձանց հետ նախնական համաձայնությամբ տապալել են Հայաստանի Հանրապետության սահմանադրական կարգը: Միքայել Հարությունյանի նկատմամբ հետախուզում է հայտարարվել, Յուրի Խաչատուրովը 5 միլիոն դրամ գրավի դիմաց ազատ է արձակվել, իսկ Ռոբերտ Քոչարյանը կալանավորվել էր: Մայիսի 18-ին դատարանի որոշմամբ Ռոբերտ Քոչարյանն ազատ արձակվեց՝ հաշվի առնվելով Արցախի նախկին և ներկա նախագահների միջնորդությունը:
- Քոչարյանի պաշտպանը դատավոր Դանիբեկյանին ինքնաբացարկի միջնորդություն է
ներկայացրել
- Մեկնարկում է Քոչարյանի և մյուսների գործով դատական նիստը
- Քոչարյանի գործով դատարանը հեռացավ վերջնական որոշում կայացնելու՝ չլսելով
փաստաբանների առարկությունները
- Մեղադրող դատախազները միջնորդություն կներկայացնեն Քոչարյանի գործով
դատավորին ինքնաբացարկ հայտնելու վերաբերյալ
- Քոչարյանի խափանման միջոցի վերաբերյալ որոշման հրապարակումից
առաջ դատարանի բակում ակցիա է