«Գյումրի» բժշկական կենտրոնում բացվել է մագնիսառեզոնանսային տոմոգրաֆիայի «էքսպերտ» ախտորոշիչ կենտրոն
ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: «Գյումրի» բժշկական կենտրոնում բացվել է մագնիսառեզոնանսային տոմոգրաֆիայի (ՄՌՏ) «էքսպերտ» ախտորոշիչ կենտրոն, որին մասնակցել է առողջապահության նախարար Արսեն Թորոսյանը։
Ինչպես «Արմենպրես»-ին հայտնեցին ՀՀ առողջապահության նախարարությունից, ներկաների թվում եղել են նաև Ազգային ժողովի պատգամավորներ, մարզային ու քաղաքային իշխանությունների ներկայացուցիչներ։
Ախտորոշիչ կենտրոնի ժամանակակից սարքավորումները Շիրակի մարզի և հարակիչ տարածաշրջանների քաղաքացիներին հնարավորություն կտան որակյալ հետազոտություն անցնել ժամանակին։
Նախարարը նշել է, որ առողջապահության նախարարությունն իր կողմից կաջակցի կենտրոնին ծառայությունը զարգացնելու գործում, ինչպես նաև ողջունել է ռուս գործընկերներին՝ Հայաստանում նման ներդրում անելու համար։