Լոս Անջելեսի միացյալ դպրոցական շրջանը մտադիր է ապրիլի 24-ին չեղարկել դպրոցական դասերը
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Լոս Անջելեսի միացյալ դպրոցական շրջանը (LAUSD), որը երկրում գործող երկրորդ խոշորագույն հանրակրթական դպրոցական համակարգն է, մտադիր է հատուկ հիշատակի կարգ սահմանել Հայոց ցեղասպանության տարելիցներին: Ինչպես հաղորդում է «Արմենպրես»-ը, այդ նպատակով կառույցի խորհուրդը մտադիր է ապրիլի 24-ը ճանաչել որպես Հայոց ցեղասպանության հիշատակի օր և այդ օրը փակել Լոս Անջելեսի հանրակրթական դպրոցները:
LAUSD-ի խորհրդի անդամ Քելի Գոնեսի առաջարկով նախատեսվում է 2021-2022 թվականների ուսումնական տարվանից սկսած ապրիլի 24-ին չեղարկել դասերը Լոս Անջելեսի հանրակրթական դպրոցներում:
Գոնեսի առաջարկում նշվում է նաև, որ ապրիլի 24-ին, որը պատմական օր է հայ աշակերտների ու նրանց ընտանիքների համար, սովորաբար դպրոցներում դասերից բացակայության մակարդակը բարձր է, քանի որ շատերն իրենց ընտանիքների հետ մասնակցում են Հայոց ցեղասպանությանը նվիրված երթերի ու այլ միջոցառումների: Առաջարկը նաև կոչ է անում LAUSD-ին հետևել, որպեսզի դպրոցներում ուսուցիչները Հայոց ցեղասպանության մասին ճիշտ դասավանդեն:
LAUSD-ի խորհուրդը հավանություն է տվել առաջարկին և դիմել է խորհրդի ղեկավարին՝ այն կյանքի կոչելու ծրագիր մշակելու համար:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան