Ուկրաինայի հայկական եկեղեցիներում ապրիլի 24-ին Հայոց ցեղասպանության զոհերի հիշատակի աղոթք կհնչի
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Ուկրաինայի տարբեր քաղաքների հայկական համայնքների կողմից Հայոց ցեղասպանության 104-րդ տարելիցի շրջանակում ծրագրվել և իրականացվելու են հիշատակի բազմաթիվ միջոցառումներ: «Արմենպրես»-ի փոխանցմամբ` այս մասին հայտնում է AnalitikaUA-ը:
Ապրիլի 23-ին Լուցկ քաղաքում արդեն տեղի է ունեցել խաչքարի բացման արարողություն: Հուշաքարի բացման արարողությանը մասնակցել է տեղի ղեկավարությունը, Ուկրաինայի հայ համայնքի ներկայացուցիչները: Խաչքարի բացման արարողությունը գլխավորել է Հայ առաքելական եկեղեցու Ուկրաինայի թեմի առաջնորդ Տեր Մարկոս եպիսկոպոս Հովհաննիսյանը:
Ապրիլի 23-ի և 24-ի միջոցառումների շրջանակում ներառված են կլոր սեղաններ, թեմատիկ ցուցահանդեսներ, հիշատակի երեկոներ, ֆլեշմոբեր, ծառատունկեր, 1915թ. դեպքերին նվիրված վավերագրական և թեմատիկ ֆիլմերի դիտումներ և մի շարք այլ միջոցառումներ:
Ապրիլի 24-ին Ուկրաինայի բոլոր հայկական եկեղեցիներում աղոթք կհնչեցվի Հայոց ցեղասպանության անմեղ զոհերի համար:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան