Բուլղարիայի ԱԳ փոխնախարարը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի հիշատակին
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Բուլղարիայի արտաքին գործերի փոխնախարար Յուրի Ստերկն այցելեց Հայոց ցեղասպանության զոհերի հուշահամալիր ու ծաղիկներ խոնարհեց Ծիծեռնակաբերդի բարձունքում: «Մենք մարդկային մեծ աղետի ականատեսն ենք: Եվ ցավոք աշխարհում դեռ տեղի են ունենում իրադարձություններ, երբ անմեղ մարդիկ թշնամության զոհ են դառնում: Եվ ես կարծում եմ, որ մարդկությունը նման իրադարձություններից պետք է դասեր քաղի»,- «Արմենպրես»-ի հետ զրույցում ասաց փոխնախարարը:
Ստերկի հետ հուշահամալիր էր եկել և իր հարգանքի տուրքը մատուցեց նաև Հայաստանում Բուլղարիայի դեսպան Ցոցորկովա-Կայմակտչիևա Մարիա Պավլովան: Նրանք նաև շրջայց կատարեցին Հայոց ցեղասպանության թանգարան-ինստիտուտում։
Բուլղարիայի Ժողովրդական ժողովի պատգամավորներն 2015թ. ապրիլի 24-ին ընդունել են Հայոց ցեղասպանության մասին հայտարարագիր: Փաստաթղթով Բուլղարիայի խորհրդարանը «ճանաչում է հայերի զանգվածային ոչնչացումը Օսմանյան կայսրությունում և հայտարարում է ապրիլի 24-ը որպես զոհերի հիշատակման օր»: Հայտարարությանը կողմ է քվեարկել 157 պատգամավոր, դեմ ՝ 36-ը:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան