1000х90.jpg (78 KB)

Իրանն սպառնացել է փակել Հորմուզի նեղուցը ԱՄՆ-ի պատժամիջոցների պատճառով

Armenpress 17:39, 22 Ապրիլ, 2019

ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Իրանի Իսլամական հեղափոխության պահապանների զորակազմի ծովային ստորաբաժանման հրամանատար Ալի Ռըզա Թանգսիրին հայտարարել Է, որ երկրի իշխանությունները կփակեն Հորմուզի նեղուցն այն դեպքում, եթե Թեհրանը չկարողանա դրանից օգտվել ԱՄՆ-ի սահմանափակիչ միջոցների պատճառով: Այդ մասին, ինչպես տեղեկացնում Է «Արմենպրես»-ը, ապրիլի 22-ին հայտնել Է «Ֆարս» իրանական գործակալությունը:

«Միջազգային իրավունքի համաձայն, Հորմուզի նեղուցը ջրային ճանապարհ Է, եւ եթե մեզ թույլ չտան դրանից օգտվել, մենք այն կփակենք»,-գործակալությունը մեջբերել Է Թանգսիրիի խոսքը:

Անցյալ տարվա վերջին Իրանի նախագահ Հասան Ռոուհանին սպառնացել Է խոչընդոտել Պարսից ծոցի շրջանից նավթի արտահանմանը, եթե ԱՄՆ-ն Իրանին խանգարի սեփական նավթը վաճառել պատժամիջոցների շրջանակում, հաղորդել Է «Ինտերֆաքս»-ը:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am