Մկրտչյանը և Ղուկասյանը հաղթել են Եվրոպայի առաջնության նախավերջին տուրում
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Շախմատի կանանց Եվրոպայի անհատական առաջնությունը մոտենում է ավարտին:
«Արմենպրես»-ի հաղորդմամբ՝ թուրքական Անթալիա քաղաքում ընթացող առաջնության նախավերջին՝ 10-րդ տուրում, Հայաստանի ներկայացուցիչներից հաղթանակներ տոնեցին միայն Լիլիթ Մկրտչյանը և Սիրանուշ Ղուկասյանը: Աննա Սարգսյանը, Էլինա Դանիելյանը և Մարիա Գևորգյանը պարտություն կրեցին:
Միանձնյա առաջատարը Ուկրաինայի ներկայացուցիչ Իննա Պապոնենկոն է, ով ունի 8 միավոր: Լիլիթ Մկրտչյանն ունի միայն 6,5, իսկ Էլինա Դանիելյանը, Սիրանուշ Ղուկասյանը և Մարիա Գևորգյանը՝ 5,5-ական միավոր:
Մրցաշարի ավարտին մնացել է մեկ տուր:
Կարծիքներ
Հարցազրույցներ
Փաստ մեկնաբանությամբ