1000х90.jpg (78 KB)

Արայիկ Հարությունյանը հերքում է կրթության ոլորտում գնումների մրցույթները կանխորոշված լինելու մասին հայտարարությունները

Armenpress 17:33, 15 Ապրիլ, 2019

ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: ՀՀ կրթության և գիտության նախարար Արայիկ Հարությունյանը կոչ է անում կրթության, գիտության, ինչպես նաև՝ մշակույթի և սպորտի ոլորտներում աշխատող կազմակերպություններին մասնակցել ոլորտի գնումների մրցույթին:

«Արմենպրես»-ի հաղորդմամբ՝ այս մասին Հարությունյանը գրել է «Ֆեյսբուք» սոցիալական ցանցի իր էջում:

«Որևէ կազմակերպության համար նախորդ իներցիայով երաշխավորված չէ հաղթանակը մրցույթներում: Եթե Ձեզ ասում են, թե ամեն ինչ արդեն որոշված է ու գումարը տրվելու է նախորդ տարիներին տվյալ ծրագրերն իրականացրած կազմակերպություններին՝ նրանք ստում են»,- նշել է նախարարը:

Նա հորդորել է տարբեր կազմակերպություններին ակտիվ մասնակցել այդ գործընթացներին, որպեսզի իրենք էլ ընտրության հնարավորություն ունենան:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am