1000х90.jpg (78 KB)

Ջուլֆալակյանը հաղթեց առաջին սփոփիչ գոտեմարտում

Armenpress 14:10, 13 Ապրիլ, 2019

ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ: Հունահռոմեական ոճի ըմբշամարտի Հայաստանի հավաքականի անդամները շարունակում են պայքարը Եվրոպայի առաջնությունում:

«Արմենպրես»-ի հաղորդմամբ` 77 կգ քաշում Արսեն Ջուլֆալակյանը հաղթեց առաջին սփոփիչ գոտեմարտում` գերազանցելով ադրբեջանցի մրցակցին 2:1 հաշվով և այժմ պետք է մրցի երկրորդ սփոփիչում` մոլդովացի Դանիել Կատարագայի հետ։

Նախօրեին 77 կգ քաշում Արսեն Ջուլֆալակյանը մեկնարկային գոտեմարտում հաղթանակ տոնեց՝ 5:3 հաշվով հաղթելով Նիդերլանդներից Մարսել Ստերկենբուրգին, սակայն պարտվեց 1/8 եզրափակիչում՝ 7:3 հաշվով զիջելով գերմանացի Ռոնալդ Շվարցին:

Ըմբշամարտի Եվրոպայի այս տարվա առաջնությունն անցկացվում է Բուխարեստում:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am