Հայ բռնցքամարտիկներից երկուսը միջազգային մրցաշարի կիսաեզրափակիչում են  

Armenpress 11:57, 5 Ապրիլ, 2019

ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ: Հայ բռնցքամարտիկները շարունակում են հաջող ելույթները միջազգային մրցաշարում:

«Արմենպրես»-ի հաղորդմամբ` Անապայում ընթացող Նիկոլայ Պավլյուկովի երիտասարդական հուշամրցաշարում Հայաստանի երկու ներկայացուցիչ դուրս է եկել կիսաեզրափակիչ փուլ՝ ապահովելով առնվազն բրոնզե մեդալներ:

Քառորդ եզրափակիչում հաղթանակ են տարել 49 կգ քաշային Ռուդոլֆ Գարբոյանն ու 75 կգ քաշային Ռաֆայել Հովհաննիսյանը:

Հայ բռնցքամարտիկները հանդես են գալիս երիտասարդական հավաքականի ավագ մարզիչ Կարեն Աղամալյանի եւ մարզիչ Գարիկ Բաղդասարյանի գլխավորությամբ:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am