Դաղստանում աղիքային վարակով հիվանդանոց է տեղափոխվել 104 մարդ


ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ: Դաղստանի Խասավյուրտ քաղաքում աղիքային վարակով հիվանդանոց է տեղափոխվել 104 մարդ, այդ թվում՝ 90 երեխա։ Ինչպես տեղեկացնում է «Արմենպրես»-ը՝ վկայակոչելով ՏԱՍՍ-ը, այդ մասին նշված է Դաղստանի առողջապահության նախարարության պաշտոնական կայքում։

Ավելի վաղ նշվել էր, որ քաղաքի կենտրոնական հիվանդանոցի ինֆեկցիոն բաժանմունքում է գտնվում սուր աղիքային վարակ ունեցող 89 մարդ, որոնց վիճակը գնահատվել է թեթև և միջին ծանրության։

«Ռոսպոտրեբնադզոր»-ի տվյալներով՝ համաճարակաբանական հետաքննություն անցկացնելու նպատակով միջադեպի օջախ է մեկնել մասնագետների խումբ։ Տեղում կազմակերպվել է հակահամաճաչրակային միջոցառումների համալիր, հիվանդներից կատարվել է կլինիկական նյութի, ինչպես նաև ջրմուղի ջրի նմուշառում՝ մանրէաբանական և վիրուսաբանական հետազոտությունների անցկացման համար։ Իրավիճակը գտնվում է «Ռոսպոտրեբնադզոր»-ի հանրապետական վարչության հսկողության տակ։

 

 



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am