ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Instagram սոցիալական ցանցի աշխատանքում լույս մարտի 22-ի գիշերը խափանում Է դիտվել աշխարհի մի շարք երկրներում: Այդ մասին, ինչպես տեղեկացնում Է «Արմենպրես»-ը, վկայում են Downdetector ծառայության Էջում տեղ գտած տվյալները, որը հետեւում Է ժողովրդականություն վայելող ինտերնետ-ռեսուրսների աշխատանքին:

«Instagram-ի աշխատանքում խնդիրներ են դիտվում ԱՄՆ-ի արեւելյան ափի ժամանակով 18:01-ից (Երեւանի ժամանակով մարտի 22-ի 02:01-ին)»,-ասված Է հաղորդագրության մեջ:

Անսարքություններից ամենից շատ գանգատվում են ԱՄՆ-ի, Գերմանիայի, Պորտուգալիայի, Պերուի, Բրազիլիայի եւ Ավստրալիայի օգտատերերը:

Ծառայության տվյալներով՝ օգտատերերի մեծ մասը (մոտավորապես 54 տոկոսը) նորությունների ժապավենը դիտելու խնդիրներ ունի, եւս շուրջ 28 տոկոսը գանգատվում են այն բանից, որ չեն կարողանում մտնել հավելված, եւ մոտավորապես 16 տոկոսը չեն կարողանում մտնել սոցցանցի կայք, հաղորդել Է ՏԱՍՍ-ը: