ՀՀ դեսպանը Լիբանանի նախագահական հարցերով պետնախարարի հետ քննարկել է երկկողմ համագործակցության զարգացման հեռանկարները
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Լիբանանում ՀՀ դեսպան Վահագն Աթաբեկյանը մարտի 20-ին հանդիպել է Լիբանանի նախագահական հարցերով պետնախարար Սալիմ Ժրեյսաթիի հետ (Salim Jreissati):
Ինչպես «Արմենպրես»-ին տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից, հանդիպմանը քննարկվել են հայ-լիբանանյան հարաբերությունների առկա վիճակը, այդ թվում՝ իրավապայմանագրային դաշտը, ինչպես նաև՝ երկու երկրների համագործակցության զարգացման հեռանկարները:
Պետնախարարը ողջունել է Հայաստանի և Լիբանանի միջև երկկողմ հարաբերություններում նկատելի ակտիվացման միտումները՝ միաժամանակ բարձր գնահատելով հայ համայնքի դերը երկրի զարգացման բոլոր ոլորտներում: