1000х90.jpg (78 KB)

Հարկադիր կատարման ծառայությունը հայտնում է «ԱՐՄՕՅԼ» ՓԲԸ վերաբերյալ հարուցված կատարողական վարույթի վերաբերյալ

Armenpress 13:16, 16 Մարտ, 2019

ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Հարկադիր կատարումն ապահովող ծառայությունը, հաշվի առնելով զանգվածային լրատվության միջոցներով կատարված հրապարակումները «ԱՐՄՕՅԼ» ՓԲԸ վերաբերյալ, հայտնում է, որ ՀՀ Կոտայքի մարզի առաջին ատյանի ընդհանուր իրավասության դատարանի կողմից 05.03.2019 թվականին տրված կատարողական թերթի հիման վրա Հարկադիր կատարումն ապահովող ծառայության Հարկադիր կատարման օպերատիվ բաժնում 06.03.2019 թվականին հարուցվել են թիվ 04991809 և թիվ 04991822 կատարողական վարույթները: Այս մասին «Արմենպրես»-ին տեղեկացրին Հարկադիր կատարման ծառայության միջազգային հարաբերությունների և հասարակայնության հետ կապերի բաժնից:

Հիշյալ կատարողական վարույթների շրջանակներում իրականացված կատարողական գործողությունների արդյունքում 07.03.2019 թվականին հարկադիր կատարողի կողմից կազմվել է համապատասխան արձանագրություն առ այն, որ կատարողական թերթով սահմանված հասցեներում որևէ գործողություն, այդ թվում՝ որևէ արտադրական գործունեություն կամ շինարարություն չի իրականացվում:

13.03.2019 թվականին Ծառայություն ստացված դիմումի հիման վրա նույն օրը հարկադիր կատարողները կրկին այցելություն են կատարել նշված հասցեներ և կազմել համապատասխան արձանագրություն այն մասին, որ տարածքում որևէ գործողություն, այդ թվում՝ որևէ արտադրական գործունեություն կամ շինարարություն չի իրականացվում:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am