Ռոնալդուն կարող է որակազրկվել անպարկեշտ ժեստով գոլը տոնելու համար
ԵՐԵՎԱՆ, 16 ՄԱՐՏԻ, ԱՐՄԵՆՊՐԵՍ: Թուրինի «Յուվենտուս»-ի պորտուգալացի հարձակվող Կրիշտիանու Ռոնալդուն կարող է որակազրկվել մի քանի խաղով անհարգալի ժեստի համար:
«Արմենպրես»-ի հաղորդմամբ` այս մասին գրում է El Mundo Deportivo-ն: Ռոնալդուն կարող է որակազրկվել ֆուտբոլի Չեմպիոնների լիգայի 1/8 եզրափակչի պատասխան խաղում խփած գնդակը անպարկեշտ ժեստով տոնելու պատճառով: Եթե հարձակվող որակազրկվի, ապա կարող է բաց թողնել Չեմպիոնների լիգայի քառորդ եզրափակչի «Այաքս»-ի դեմ հանդիպումը:
Չեմպիոնների լիգայի քառորդ եզրափակչի առաջին հանդիպումը «Յուվենտուս»-ը կանցկացնի ապրիլի10-ին, իսկ պատասխան հանդիպումը կկայանա ապրիլի 16-ին:
Կարծիքներ
Հարցազրույցներ
Փաստ մեկնաբանությամբ