«Վանաձոր» ՔԿՀ-ի կալանավորին տեսակցության եկած անձի մոտ հայտնաբերվել է դեղնականաչավուն զանգված և հեռախոսի լիցքավորիչ
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: ՀՀ արդարադատության նախարարության «Վանաձոր» քրեակատարողական հիմնարկի աշխատակիցները մարտի 14-ի ժամը 15:35-ի սահմաններում զննության են ենթարկել կալանավորված անձ Վ. Մ.-ին կարճատև տեսակցության եկած քաղաքացի Ն. Կ-ին և վերջինիս վերարկուի ծոցագրպանից հայտնաբերել և առգրավել են 0,6 գրամ դեղնականաչավուն, չորացրած զանգված և բջջային հեռախոսի մեկ լիցքավորիչ:
Ինչպես «Արմենպրես»-ին տեղեկացրին ՀՀ ԱՆ քրեակատարողական ծառայության հանրային կապերի բաժնից, հայտնաբերվածն ուղարկվել է փորձաքննության: Փաստի առթիվ նախապատրաստվում են նյութեր:
Կարծիքներ
Հարցազրույցներ
Փաստ մեկնաբանությամբ