ԵՄ-ն ութ ռուսաստանցիների սեւ ցուցակ մտցրեց Կերչի նեղուցի միջադեպի պատճառով
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Եվրամիությունն ութ ռուսաստանցիների իր սեւ ցուցակում Է ներառել Կերչի նեղուցում տեղի ունեցած միջադեպի պատճառով: Այդ մասին, ինչպես տեղեկացնում Է «Արմենպրես»-ը, ասված Է ԵՄ-ի պաշտոնական հանդեսում, որում մարտի 15-ին հրապարակվել են համապատասխան նորմատիվային ակտերը: Սահմանափակիչ միջոցներ են կիրառվել, մասնավորապես, Ղրիմի եւ Սեւաստոպոլի Անվտանգության դաշնային ծառայության (ԱԴԾ) սահմանապահ վարչության պետ փոխծովակալ Սերգեյ Ստանկեւիչի, առաջին կարգի կապիտան Ռուսլան Ռոմաշկինի (ՌԴ ԱԴԾ-ի՝ Ղրիմի Հանրապետության եւ Սեւաստոպոլի վարչության կետի ծառայությանի պետ), առաջին կարգի կապիտան Անդրեյ Շեինի (ՌԴ ԱԴԾ-ի՝ Ղրիմի Հանրապետության եւ Սեւաստոպոլի սահմանապահ վարչության պետի տեղակալ), երկրորդ կարգի կապիտան Ալեքսեյ Շատոխինի (ՌԴ ԱԴԾ-ի՝ Ղրիմի Հանրապետության վարչության Կերչի կետի ծառայության պետ), Հարավային ռազմական օկրուգի զորքերի հրամանատար գեներալ-գնդապետ Ալեքսանդր Դվորնիկովի նկատմամբ, հաղորդել Է ՏԱՍՍ-ը:
Կարծիքներ
Հարցազրույցներ
Փաստ մեկնաբանությամբ