ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Իսլամական հեղափոխության պահպանների կորպուսը (ԻՀՊԿ, երկրի զինված ուժերի բաղկացուցիչ մասը) խոշոր զորավարժություններ Է անցկացրել Պարսից ծոցի շրջանում, որոնց ընթացքում գործի Է դրվել առնվազն 50 հարվածային անօդաչու: Այդ մասին, ինչպես տեղեկացնում Է «Արմենպրես»-ը, հայտնել Է Mehr գործակալությունը:

Իրանցի զինվորականներն առաջին անգամ են զորավարժություններ անցկացրել այդ քանակությամբ անօդաչուների միաժամանակյա օգտագործմամբ: Ընդ որում, բացի հարվածային RQ-170-երից, գործի են դրվել նաեւ այլ անօդաչու թռչող սարքեր, նշում Է գործակալությունը եւ հավելում, որ զորավարժությունների ընթացքում անօդաչուները կարողացել են ճշգրիտ խոցել թիրախները՝ թռչելով ավելի քան հազար կիլոմետր, հաղորդել Է ՌԻԱ Նովոստին: