Մահացել է ԽՍՀՄ ժողովրդական արտիստ Վլադիմիր Էտուշը
ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: 97 տարեկանում մահացել է ԽՍՀՄ ժողովրդական արտիստ Վլադիմիր Էտուշը: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
Ե. Վախթանգովի անվան թատրոնի տնօրեն Կիրիլ Կրոկը հայտնել է, որ դերասանը մահացել է հիվանդանոցում: Մահվան պատճառները հայտնի չեն:
Արտիստի հրաժեշտի արարողությունը տեղի կունենա թատրոնում, սակայն դեռևս հայտնի չեն անցկացման օրն ու ժամը:
Վլադիմիր Էտուշը տարբեր կերպարների է մարմնավորել 150-ից ավելի ֆիլմերում, այդ թվում և՝ «Կովկասի գերուհին», «12 աթոռ», «Իվան Վասիլևիչը փոխում է մասնագիտությունը» և այլն: Բազմաթիվ մրցանակների դափնեկիր է:
Կարծիքներ
Հարցազրույցներ
Փաստ մեկնաբանությամբ