Կարեն Գիլոյանը «Ուրարտու»-ի հաղթանակը կապում է ֆիզիկապես դիմացկունության հետ
ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Երևանի «Ուրարտու» բասկետբոլային ակումբի նախագահ Կարեն Գիլոյանի խոսքով` ԵԱՏՄ գավաթի խաղարկության երկրորդ խաղի հաղթական արդյունքը կապում է ֆիզիկապես դիմացկունության հետ:
«Շատ բարդ սկիզբ ստացվեց «Ուրարտու»-ի համար, քանի որ լարվածություն կար: Տան պատերն օգնում են, երբ փորձ ունես, սակայն երբ չունես, ավելի շատ խանգարում են: Հենց դա էր պատճառը, որ դժվար սկիզբ ստացվեց: Սակայն կարևորն այն էր, որ ֆիզիկապես դիմացանք խաղի ողջ ընթացքում: Եվ ռոտացիան հաջող ստացվեց մեզ համար»,-«Արմենպրես»-ի հետ զրույցում ասաց ակումբի նախագահը:
Գիլոյանի խոսքով` թիմի համար սարսափելի վատ ստացվեց երրորդ քառորդը, սակայն չորրորդ քառորդում մրցակիցն արդեն հոգնած էր:
Բասկետբոլի ԵԱՏՄ գավաթի անդրանիկ խաղարկության երկրորդ խաղում Երևանի «Ուրարտու»-ն մրցեց բելառուսական «Ցոր- Բորիսֆեն»-ի հետ: Առաջին քառորդում հավասար պայքար ծավալվեց, և թիմերը բաց չթողեցին իրենց հնարավորությունները: Առաջին քառորդն ավարտվեց հավասար՝ 23:23 հաշվով: Երկրորդ քառորդում «Ուրարտու»-ն առավելություն ստացավ` առաջ անցնելով հաշվի մեջ: Թիմերը մեծ ընդմիջման գնացին 49:38 հաշվով՝ հօգուտ երևանյան ակումբի: Երրորդ քառորդում բելառուսական «Ցոր- Բորիսֆեն»-ն առավել հաջող էր գրոհում ու պաշտպանվում և զիջեց միայն երեք միավորի տարբերությամբ` 63:60: Վերջին քառորդում «Ուրարտու»-ն պահպանեց հաշվի առավելությունը և հաղթեց 91:79 հաշվով:
ԵԱՏՄ գավաթի շրջանակներում «Ուրարտու»-ն վերջին հանդիպումը կանցկացնի փետրվարի 26-ին՝ մրցելով ռուսաստանյան «Արսենալ»-ի հետ: Հանդիպումը կկայանա նախկին «Միկա» մարզահամալիրում և կմեկնարկի 19:00-ին: