ԱԺ «Իմ քայլը» խմբակցությունն աշխատանքային հանդիպման է հրավիրել ՀՀ տրանսպորտի, կապի և տեղեկատվական տեխնոլոգիաների նախարարին
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: ՀՀ Ազգային ժողովի «Իմ քայլը» խմբակցությունն աշխատանքային հանդիպման է հրավիրել ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանին: «Արմենպրես»-ի հետ զրույցում այս մասին ասաց նախարարի մամուլի խոսնակ Անահիտ Առաքելյանը:
«Նախարարը «Իմ քայլը» խմբակցության հետ Ազգային ժողովում կհանդիպի փետրվարի 22-ին»,- ասաց Առաքելյանը:
Ավելի վաղ «Իմ քայլը» խմբակցությունն ԱԺ-ում աշխատանքային հանդիպում էր ունեցել Պետական եկամուտների կոմիտեի նախագահ Դավիթ Անանյանի, Ֆինանսների նախարար Ատոմ Ջանջուղազյանի և ՀՀ առողջապահության նախարար Արսեն Թորոսյանի հետ:
Փետրվարի 20-ին ՀՀ Ազգային ժողովում «Իմ քայլը» խմբակցության ղեկավարը ճեպազրույցի ընթացքում նշել էր, որ նախատեսում են աշխատանքային հանդիպման հրավիրել նաև Ոստիկանապետ Վալերիյ Օսիպյանին: