Ոստիկանությունը բերման է ենթարկել «Այֆոն 8»-ի գողություն կատարելու մեջ կասկածվող անձին
ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: «Վերնիսաժ» տոնավաճառի տաղավարներից մեկում «Այֆոն 8» տեսակի բջջային հեռախոսի գողություն կատարելու մեջ կասկածվող անձը հայտնաբերվել է։ Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից, փետրվարի 15-ին ոստիկանության Կենտրոնական բաժնի քրեական հետախուզության բաժանմունքի ծառայողները, իրացնելով ստացված օպերատիվ տվյալները, պարզել են, որ գողությունը կատարել է 43-ամյա Գուրգեն Խ․-ն:
43-ամյա տղամարդը նույն օրը հայտնաբերվել, գողության կասկածանքով բերման է ենթարկվել ոստիկանություն և տվել է խոստովանական ցուցմունք: Ձեռնարկվում են միջոցառումներ գողոնը հայտնաբերելու ուղղությամբ: Կատարվում է նախաքննություն: