Տիգրան Բարսեղյանը բացել է գոլերի հաշիվը «Կայսար»-ում
ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի հարձակվող Տիգրան Բարսեղյանը առաջին գոլն է խփել նոր ակումբի կազմում:
«Արմենպրես»-ի հաղորդմամբ` ուսումնամարզական հավաքի շրջանակներում «Կայսար»-ը ընկերական խաղում մրցել է վրացական ՎԻՏ թիմի հետ: Հանդիպումն ավարտվել է 2:3 հաշվով հօգուտ վրացական ակումբի:
Հայաստանի ազգային թիմի հարձակվող Տիգրան Բարսեղյանը «Կայսար»-ի կազմում խփել է թիմի 2-րդ գոլը` բացել է գոլերի հաշիվը ղազախական ակումբի կազմում:
Տիգրան Բարսեղյանը «Կայսար» տեղափոխվեց 2018 թվականի տրանսֆերային պատուհանի ընթացքում մակեդոնական «Վարդար»-ից:
Կարծիքներ
Հարցազրույցներ
Փաստ մեկնաբանությամբ