«Բանանց»-ը հավաքի ընթացքում 5 ընկերական խաղ կանցկացնի


ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Երևանի «Բանանց» ֆուտբոլային ակումբը ուսումնամարզական հավաք կանցկացնի Անթալիայում: «Արմենպրես»-ի հաղորդմամբ` ուսումնամարզական հավաքի ընթացքում երևանյան թիմը 5 ընկերական հանդիպում կանցկացնի՝ մրցելով «Նիժնի Նովգորոդ» (Ռուսաստան), «Արդա» (Բուլղարիա), «Սիլկբորգ» (Դանիա), «Չիխուրա Սաչկերե» (Վրաստան) և «Աստանա» (Ղազախստան) թիմերի հետ: Եվս մեկ ընկերական հանդիպում հնարավոր է անցկացվի փետրվարի 16-ին:

Հավաքը կմեկնարկի փետրվարի 4-ին և կեզրափակվի 18-ին:

Ֆուտբոլի Հայաստանի առաջնության 19-րդ տուրից հետո մրցաշարային աղյուսակի առաջատարը 33 միավորով «Ալաշկերտ»-ն է: Երկրորդ տեղում 29 միավորով «Բանանց»-ն է: Եռյակը 37 միավորով եզրափակում է «Փյունիկ»-ը: 4-րդ տեղում 26 միավորով «Արարատ-Արմենիա»-ն է: Նրան հաջորդում է «Լոռի»-ն՝ 25 միավորով: 22 միավոր հավաքած Գյումրու «Շիրակ»-ը 6-րդն է: «Գանձասար-Կապան»-ը նույնպես ունի 22 միավոր: 13 միավորով նախավերջին տեղում «Արարատ»-ն է, իսկ «Արցախ»-ն ունի 12 միավոր:

Այժմ առաջնությունում դադար է: Այն կվերսկսվի մարտի 2-ին:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am