Ռուսաստանը ԱՄՆ-ին հաղթեց առանց մի կրակոցի. New American Journal
ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Ռուսաստանը կարողացավ ԱՄՆ-ին հաղթել այն սցենարով, որը նախորդ տարիներին անհնարին Էր թվում: Այդ մասին, ինչպես տեղեկացնում Է «Արմենպրես»-ը, գրել Է New American Journal-ը: Նշվում Է, որ դա հնարավոր Է դարձել ԱՄՆ-ի նախագահ Դոնալդ Թրամփի գործունեության հետեւանքով, որն իբր գործում Է հօգուտ Մոսկվայի շահերի եւ երկիրը տանում Է քաոսի: Ինչպես ընդգծում Է հրատարակությունը, Թրամփի իշխանության գալը վերածվել Է ազգային եւ միջազգային ճգնաժամի:
«Ռուսաստանը ԱՄՆ-ին հաղթել Է առանց մի կրակոցի»,-գրում Է հրատարակությունը:
Հոդվածի հեղինակը ենթադրում Է, որ ներկայիս իրադրությունը կարող Է աղետալի դառնալ ԱՄՆ-ի համար: Մասնավորապես, դեմոկրատների հետ ունեցած տարաձայնությունների պատճառով Թրամփը կարող Է անորոշ ժամկետով կանգնեցնել կառավարության աշխատանքը՝ դրանով իսկ ստեղծելով ազգային անվտանգության եւ տնտեսական ճգնաժամի սպառնալիք, հաղորդել Է ՌԻԱ Նովոստին: