Հարավային Կորեայում Կիմ Չեն Ունի ժամանմանը սպասում են մարտի վերջին
ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Հարավային Կորեայի իշխանությունները պատրաստվում են ԿԺԴՀ-ի առաջնորդ Կիմ Չեն Ունին Սեուլում ընդունել մարտի վերջին: Այդ մասին, ինչպես տեղեկացնում Է «Արմենպրես»-ը, հունվարի 22-ին հայտնել Է Bloomberg գործակալությունը՝ վկայակոչելով հարավկորեական ԶԼՄ-ներ:
«Հարավային Կորեայի նախագահի նստավայրում նախապատրաստական աշխատանքներ են կատարվում մոտավորապես մարտի վերջին Հյուսիսային Կորեայի առաջնորդ Կիմ Չեն Ունի հնարավոր այցի կապակցությամբ»,- նշում Է գործակալությունը: Ըստ նրա, եթե ԱՄՆ-ԿԺԴՀ գագաթնաժողովը պլանավորված Է փետրվարի վերջին, ապա Կիմ Չեն Ունի այցը Սեուլ, իրոք, կարող Է կազմակերպվել մոտավորապես մարտի վերջին:
«Հարավային Կորեային անհրաժեշտ կլինի ԱՄՆ-ԿԺԴՀ գագաթնաժողովի արդյունքներով գնահատել հնարավոր համագործակցությունն ու փոխանակումները Հյուսիսային Կորեայի հետ»,- ընդգծում Է Bloomberg-ը: Ավելի վաղ տեղեկացվել Է, որ Թրամփի եւ Կիմ Չեն Ունի գագաթնաժողովը պլանավորված Է փետրվարի վերջին: Դրա վայրն առայժմ պաշտոնապես չի հրապարակվում: Ավելի վաղ ԶԼՄ-ները ենթադրում Էին, որ հանդիպումը կարող Է կայանալ Վիետնամում: Այս երկու ղեկավարների նախորդ բանակցությունները տեղի են ունեցել Սինգապուրում անցած տարվա հունիսին, հաղորդել Է «Ինտերֆաքս»-ը: