Մաասը Վաշինգտոնում Փոմպեոյի հետ կքննարկի ՄՓՀՀՊ-ի շուրջ ստեղծված իրադրությունը
ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Գերմանիայի ԱԳ նախարար Հայկո Մաասը հունվարի 23-ին կուղեւորվի ԱՄՆ, որտեղ Վաշինգտոնում պետքարտուղար Մայք Փոմպեոյի հետ կքննարկի Միջին եւ փոքր հեռահարության հրթիռների ոչնչացման պայմանագրի (ՄՓՀՀՊ) շուրջ ստեղծված իրադրությունը: Այդ մասին, ինչպես տեղեկացնում Է «Արմենպրես»-ը, հունվարի 21-ին կայացած ճեպազրույցում հայտնել Է արտաքին քաղաքական գերատեսչության ներկայացուցիչը:
«ԱԳ նախարար Մաասը հունվարի 23-ին այցով կուղեւորվի ԱՄՆ, նա կայցելի Վաշինգտոն եւ Նյու Յորք»,-ասել Է նա: «Մենք ցանկանում ենք ազդանշան տալ այն մասին, որ պատրաստ ենք ակտիվորեն հանդես գալ ճգնաժամերի կարգավորման օգտին»,-նշել են ԱԳՆ-ում:
«Հունվարի 23-ին Մաասը քաղաքական բանակցություններ կվարի Վաշինգտոնում, այդ թվում՝ պետքարտուղար Փոմպեոյի հետ: Խոսքը ՄՓՀՀՊ-ի, ինչպես նաեւ միջազգային այլ թեմաների մասին Է, օրինակ, Սիրիայի իրադրության»,-հայտնել Է գերատեսչության ներկայացուցիչը: Հունվարի 24-ին Մաասը կայցելի Նյու Յորք, որտեղ կմասնակցի ՄԱԿ-ի Անվտանգության խորհրդի բանավեճերին: Ծրագրում ներառված են նաեւ մի շարք երկկողմ հանդիպումներ:
ԱԳ նախարարությունում նշել են, որ հունվարի 18-ին Մոսկվայում Մաասն «ընդգծել Է ՄՓՀՀՊ-ի պահպանման կարեւորությունը»: Գերատեսչությունում հերթական անգամ կարծիք են հայտնել, թե Մոսկվան պետք Է ապացուցի, որ իր կողմից պայմանագրի ենթադրյալ խախտումների հետ կապված մեղադրանքներն անհիմն են, հաղորդել Է ՏԱՍՍ-ը: