«Դեղին բաճկոնների» ակցիայի պատճառով Ֆրանսիայում 80 հազար ոստիկան է մոբիլիզացվել
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: «Դեղին բաճկոնների» հերթական ակցիայի պատճառով շաբաթ օրը Ֆրանսիայի ամբողջ տարածքում 80 հազար ոստիկան է մոբիլիզացվել:
«Արմենպրես»-ի փոխանցմամբ` այս մասին հայտնում է «ՌԻԱ Նովոստին»:
Արդեն տասներորդ շաբաթն է, որ Փարիզում և ֆրանսիական այլ քաղաքներում «դեղին բաճկոնները» բողոքի ակցիաներ են իրականացնում: Դրանք ուղեկցվում են անկարգություններով, ցուցարարների և ոստիկանների միջև բախումներով:
Իշխանությունները ծրագրում են քաղաքում տեղադրել ութ զրահատեխնիկա և մոբիլիզացնել արագ արձագանքման բաժինների 35 անդամի:
«Դեղին բաճկոնների» մասշտաբային ցույցերը Ֆրանսիայում սկսվել են նոյեմբերի 17-ից: Ցուցարարները պահանջում են չբարձրացնել վառելիքի հարկը, բենզինի գինը: Ֆրանսիական իշխանությունների վարած սոցիալական քաղաքականությունից դժգոհ ցուցարարները շարունակում են դուրս գալ փողոցներ և ներկայացնել իրենց պահանջները: