Սերենա Ուիլյամսն առանց մեծ դժվարության դուրս եկավ Ավստրալիայի բաց առաջնության հաջորդ փուլ
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: ԱՄՆ ներկայացուցիչ Սերենա Ուիլյամսն առանց մեծ դժվարության դուրս եկավ Ավստրալիայի բաց առաջնության հաջորդ փուլ:
«Արմենպրես»-ի հաղորդմամբ` կանանց մենախաղի 3-րդ շրջանում Ուիլյամսը մրցում էր Ուկրաինայի ներկայացուցիչ Դայանա Յաստրեմսկայայի հետ: 1 ժամ 5 րոպե ձգված մրցախաղում ամերիկուհին հաղթեց երկու սեթում 2:6, 1:6 հաշվով:
Ավստրալիայի բաց առաջնությունը թենիսի «Մեծ սաղավարտի» չորս մրցաշարից հերթականն է, որն անցկացվում է Մելբուռն քաղաքի համանուն այգու կորտերում: Մրցաշարն անցկացվում է արդեն 107-րդ անգամ: Ավստրալիայի բաց առաջնության տղամարդկանց մենախաղի գործող չեմպիոնը շվեյցարացի Ռոջեր Ֆեդերերն է, իսկ կանանց պայքարում` Կարոլին Վոզնյացկին: