Քաղաքապետարանը կներկայացնի մանկապարտեզներում հերթագրումների օնլայն կայքը
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Երևանի քաղաքապետարանը հանրությանը կներկայացնի օնլայն հերթագրումների mankapartez.yerevan.am կայքը: «Արմենպրես»-ի հաղորդմամբ`այս մասին իր ֆեյսբուքյան էջում գրել է քաղաքապետի մամուլի քարտուղար Հակոբ Կարապետյանը:
«Արդեն փետրվարի 1-ից հավելյալ 350 երեխա կհաճախի մանկապարտեզ: Տարվա ընթացքում՝ 1000: Երևանի քաղաքային իշխանության օրակարգում մանկապարտեզները վճարովի դարձնելու հարց չկա: Մանկապարտեզները անվճար դարձնելու՝ տարիներ առաջ կայացրած որոշումն իմ համոզմամբ ամենավնասակար բաներից էր, որ կարելի էր անել այս ոլորտի համար: Հարցը բազմաշերտ է: Մի օր առիթ կլինի խոսելու»,-նշված է գրառման մեջ:
Կարծիքներ
Հարցազրույցներ
Փաստ մեկնաբանությամբ