Նադալը շարունակում է պայքարը Ավստրալիայի բաց առաջնությունում
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Թենիսի աշխարհի երկրորդ ռակետ Ռաֆայել Նադալը շարունակում է պայքարն Ավստրալիայի բաց առաջնությունում:
«Արմենպրես»-ի հաղորդմամբ` տղամարդկանց մենախաղի 3-րդ շրջանում Նադալի հակառակորդը Ավստրալիան ներկայացնող Ալեքս դի Մինորն էր: 2 ժամ 24 րոպե ձգված մրցախաղում Նադալը հաղթեց 6:1, 6:2, 6:4 հաշվով:
Ավստրալիայի բաց առաջնությունը թենիսի «Մեծ սաղավարտի» չորս մրցաշարից հերթականն է, որն անցկացվում է Մելբուռն քաղաքի համանուն այգու կորտերում: Մրցաշարն անցկացվում է արդեն 107-րդ անգամ: Ավստրալիայի բաց առաջնության տղամարդկանց մենախաղի գործող չեմպիոնը շվեյցարացի Ռոջեր Ֆեդերերն է, իսկ կանանց պայքարում` Կարոլին Վոզնյացկին:
Կարծիքներ
Հարցազրույցներ
Փաստ մեկնաբանությամբ