«Շիրակ»-ը նոր մրցաշրջանին կնախապատրաստվի Թուրքիայում
ԵՐԵՎԱՆ, 12 ՀՈՒՆՎԱՐԻ, ԱՐՄԵՆՊՐԵՍ: Գյումրու «Շիրակ» ֆուտբոլային ակումբը ուսումնամարզական հավաք կանցկացնի Թուրքիայում:
«Արմենպրես»-ի հաղորդմամբ` «Շիրակը» վերադարձել է արձակուրդից և վերսկսել մարզումները: Թիմը մարզումներն անցկացնում է Գյումրու ֆուտբոլի ակադեմիայում: Մինչև փետրվարի 10-ը թիմը կանցկացնի հավաք Գյումրիում: Այդ ընթացքում թիմի հակառորդները կլինեն՝ Երևանի «Արցախը» հունվարի 19-ին, Երևանի «Լոկոմոտիվը» հունվարի 26-ին և Վանաձորի «Լոռին» փետրվարի 3-ին:
Այնուհետև «Շիրակը» կմեկնի Թուրքիա, որտեղ փետրվարի 10-ից փետրվարի 24-ը ուսումնամարզական հավաք կանցկացնի: Մրցակիցների մասին կհայտնեն հավաքի սկսվելուց առաջ:
Ձմեռաին հավաքների ավարտից հետո մարտի 3-ին թիմը Հայաստանի առաջնության Բարձրագույն խմբի 20-րդ տուրում Գյումրիում կհյուրնկալի Վանաձորը ներկայացնող «Լոռի» ՖԱ-ին: