1000х90.jpg (78 KB)

«Ուրարտու» բասկետբոլային թիմը կունենա նաև ֆուտբոլային ակումբ  

Armenpress 12:09, 9 Հունվար, 2019

ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: «Ուրարտու» բասկետբոլային ակումբն ընթացիկ տարում կունենա նաև ֆուտբոլային թիմ:

«Արմենպրես»-ի հետ զրույցում այս մասին հայտնեց «Ուրարտու» թիմի նախագահ Կարեն Գիլոյանը: Վերջինս փաստեց, որ նախկինում նման անունով ակումբ եղել է, հիմա վերաթարմացվում է, և թիմը, որպես այդպիսին, արդեն գրեթե պատրաստ է:

«Աշխարհում ընդունված է, որ ուժեղ ֆուտբոլային ակումբները նաև ունեն բասկետբոլային թիմեր, մեզ մոտ հակառակն է` ունենք բասկետբոլային թիմ, ստեղծում ենք ֆուտբոլայինը»,-ասաց Գիլոյանը: Թիմում լուծվել են նաև մարզչի, ֆուտբոլիստների և լեգիոնականների հետ կապված հարցերը:

Ակումբի նախագահի խոսքով` փաստաթղթավորման հետ կապված բոլոր հարցերը 95 տոկոսով լուծված են: Վերջնական պայմանագիրը կկնքվի հունվարի 15-ին, իսկ Հայաստանի ֆուտբոլի ֆեդերացիայում պաշտոնական գրանցումը տեղի կունենա մայիսին:

Վարվառա Հայրապետյան



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am