Հնդկաստանի տաճարներից մեկում բրնձի համտեսումը 11 մարդու մահվան պատճառ է դարձել
ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ: Հնդկաստանում՝ տաճարներից մեկում, արարողության ընթացքում բրինձ ուտելուց հետո 11 մարդ մահացել է: Ինչպես հաղորդում է «Արմենպրես»-ը՝ հղում կատարելով BBC-ին, այս մասին տեղեկացնում է ոստիկանությունը:
Հաղորդագրության համաձայն, շուրջ 70 մարդ տեղափոխվել է հիվանդանոց Կարնատակա նահանգում արարողության ժամանակ տրված սնունդ համտեսելուց հետո: Ոստիկանությունը տեղեկացրել է, որ 11 անձի առողջական վիճակը գնահատվում է ծայրահեղ ծանր:
Դեպքի հետ կապված երկու հոգի ձերբակալվել է: Չի բացառվում սննդի թունավորված լինելու հանգամանքը:
Կարծիքներ
Հարցազրույցներ
Փաստ մեկնաբանությամբ