ՀՀ երրորդ նախագահը կատարեց իր քաղաքացիական պարտքը
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ երրորդ նախագահ Սերժ Սարգսյանը և նրա տիկին Ռիտա Սարգսյանն ԱԺ արտահերթ ընտրություններին քվեարկեցին Կոտայքի մարզի Ձորաղբյուրի թիվ 29/45 ընտրատեղամասում:
«Արմենպրես»-ի հաղորդմամբ՝ քվեարկությունից հետո Սերժ Սարգսյանը հրաժարվեց պատասխանել լրագրողների հարցերին:
Արտահերթ խորհրդարանական ընտրություններին մասնակցում է 11 քաղաքական ուժ՝ 9 կուսակցություն և 2 դաշինք: Մասնակցող ուժերն են՝ Հայաստանի Հանրապետական կուսակցությունը, «Քաղաքացու որոշում» սոցիալ-դեմոկրատական կուսակցությունը, «Հայ Յեղափոխական Դաշնակցություն» կուսակցությունը, «Իմ քայլը» կուսակցությունների դաշինքը, «Լուսավոր Հայաստան» կուսակցությունը, «Քրիստոնեա-ժողովրդական վերածնունդ» կուսակցությունը, «Ազգային առաջընթաց» կուսակցությունը, «Մենք» դաշինքը, «Օրինաց Երկիր» կուսակցությունը, «Սասնա ծռեր» կուսակցությունը և «Բարգավաճ Հայաստան» կուսակցությունը: